Свет

Британскиот принц Ендру се повлекува поради афера

Британскиот принц Ендру објави дека се повлекува од јавниот живот, наведувајќи дека контроверзиите околу неговиот непромислен однос со американскиот финансиер Џефри Епстајн, кој беше осуден за педофилија, му предизвика големи проблеми на кралското семејство.

Ендру изјави дека „се откажува од сите свои јавни должности во догледна иднина“.

Принцот, исто така, побарал од мајка му, кралицата Елизабета Втора, дозвола да се повлече.

Обидите на британскиот принц Ендру да ги разјасни неговите пријателски односи со Епстајн во интервјуто кое го даде за Би-Би-Си пред неколку дена, предизвика многу негативни реакции.

Тој во интервјуто првпат одговараше на прашањата за врските со осудениот педофил Епстајн пти што призна дека било грешка што престојувал во неговата куќа.

Принцот Ендру, во едно од ретките интервјуа за Би-Би-Си, категорично ги отфрли обвиненијата дека имал сексуален однос со американската Вирџинија Робертс, која го обвини за сексуална злоупотреба кога била малолетна.

Повеќечасовното интервју веднаш стана ударна тема на социјалните медиуми и предизвика бројни реакции, од кои малку беа за поддршка на принцот.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

За Путин прославата на 75-годишнината од победата над фашизмот ќе биде најважен настан во 2020

saso user

Почна штрајкот во германската авиокомпанија „Германвингс“

saso user

Близок соработник на Ким Џонг-Ун во посета на Москва

saso user