Бизнис

Полска нема да купува гас од „Газпром“

Полската државна компанија за гас соопшти дека ја известила руската „Газпром“ дека нема да го продолжи долгорочниот договор за увоз на гас по истекот на три години.

Напорите на Полска за намалување на зависноста од рускиот гас вклучуваат склучување долгорочни договори за испорака на природен гас од САД, Катар и други земји, како и развој на нов гасовод со Норвешка за испораки од Северното Море.

Полската компанија ПГНиГ објави дека, во согласност со одредбите на договорот, доставила известување до „Газпром“, кој е контролиран од руската држава, дека договорот ќе биде раскинат на 31 декември 2022 година. Компанијата посочи дека Полска ќе има доволно енергија по тој датум.

Полски претставници постојано изјавуваат дека финансиските одредби од договорот со Гаспром се неповолни и дека земјата плаќа поголема цена од другите во Европа. Полска користи околу 14 милијарди кубни метри гас годишно. Според договорот со „Газпром“, таа е должна да увезува околу 10 милијарди кубни метри руски гас годишно.

 

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Започна ремонт во РЕК Битола

saso user

Овозможена промена на договорните услови и за одобрените кредити од 1 до 24 март годинава

saso user

Алкалоид донира средства за хигиена на Кинотека

saso user