Сцена

Почина Бранко Лустиг, хрватскиот продуцент кој го преживеа Аушвиц

Во Загреб, во средата вечер во 87. година од животот почина Бранко Лустиг, најпознатиот хрватски филмски продуцент и освојувач на два оскари за филмовите „Шиндлеровата листа“ во 1993 година и „Гладијатор“ во 2000 година. Тој е двоен добитник и на наградата Златен глобус за наведените филмови.

Бранко Лустиг е роден во Осијек во 1932 година. Поради еврејското потекло во текот на Втората светска војна бил заробеник во злогласните концентрационите логори Аушвиц и БергенБелсен. Повеќето членови од неговото семејство исчезнале во концентрационите логори ширум Европа, вклучувајќи ја и неговата баба која била убиена во гасна комора и татко му кој бил убиен во Чаковец.

Иако многу млад, успеал да ги преживее ужасите на логорите, а на денот кога бил ослободен имал само 30 килограми. Неговото искуство од логорите е вградено во „Шиндлеровата луста“, филмот на Стивен Спилберг, на кого му помогнал уверливо да ги прикаже мачните сцени од концентрационите логори.

Дипломирал глума на Академијата за драмски уметности во Загреб, а истата година ја започнал професионалната кариера во Јадран филм.

По „Миротворецот“ со Никол Кидман и Џорџ Клуни почнал да работи со Рдли Скот, со кого, по освоениот оскар за „Гладијатор“, соработувал на филмовите „Ханибал“, „Падот на Црниот јастреб“ „Кралството небеско“, „Добра година“ и „Американски гангстер“.

Бил вклучен во речиси сите странски филмски продукции во поранешна Југославија. Од филмовите и сериите на кои работел во тоа време, најзначајни се „Изборот на Софија“, „Лимениот барабан“, „Ветришта на војната“…

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Омиленото пијано на Џон Ленон на аукција

saso user

Игор Џамбазов за „8 Март“: Жени, не дозволувајте да бидете само обична бројка во Влада и Парламент

saso user

Памела Андерсон му се врати на 18 години помладиот фудбалер

saso user