Урбани вести

Дебарца се сеќава на годишнината од формирањето на Првата Македонско-косовска ударна бригада

Сојузот на борци од Народноослободителната и антифашистичка војна на Македонија 1941-1945 и на граѓаните продолжувачи во општините Охрид и Дебрца, в понеделник, 11 ноември организира низа активности за одбележување на 76-годишнината од формирањето на Првата Македонско-косовска народна ударна бригада.

Предвидено е положување цвеќе пред споменикот во село Сливово, каде ќе се одржи и историски час, а за борбениот пат на бригадата и нејзиното значење за конечното ослободување на земјата ќе зборува професорот по историја Наце Иваноски.

Потоа ќе бидат посетени паметникот на паднатите борци од НОБ и жртвите на фашизмот во село Белчишта, како и бистата на Трајче Дојчиноски. Во рамки на одбележувањето на годишнината ќе биде посетена и ликовната изложба во ОУ „Дебрца” во село Белчишта. Активностите ќе бидат заокружени со свеченост по повод патрониот празник на ОУ „Дебрца”.

Првата македонскокосовска народноослободителна ударна бригада е формирана во Сливово, составена од над 700 борци од македонскиот баталјон „Мирче Ацев”, Дебарско-кичевскиот баталјон, Првиот косовски баталјон „Рамиз Садику”, Вториот косовски баталјон „Борис Вукмировиќ” и една придружна чета на ГШ на НОВ и ПОМ. Во својот состав имала Македонци, Срби, Црногорци, Албанци, Турци, Италијанци, а подоцна и Руси. Бригадата покрај другите борбени активности учествувала и во Февруарскиот поход во првата половина на февруари 1944 година, во кој поминала околу 300 километри. Подоцна на 8 јуни 1944 година од групата македонски баталјони била формирана Првата македонска бригада, а од групата косовски баталјони била формирана Првата косовско-метохиска бригада на 24 јуни 1944 година.

Бригадата во 1951 година беше прогласена за Петнаесетта пролетерска бригада и одликувана со Орден народен херој, Орден на народното ослободување на Југославија и Орден на братството и единството со златен венец.

МИА

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

НАЈМЛАДИТЕ ЈА ЗАПОЧНУВААТ ЕВРОПСКАТА НЕДЕЛА НА МОБИЛНОСТ ВО ОХРИД

saso user

Евроамбасадорот Жбогар оствари официјална посета на општина Дебрца

saso user

ВМРО ДПМНЕ :Честитка по повод 7 Ноември-Денот на ослободувањето на Охрид од фашистичкиот окупатор

saso user