Број на текстови објавени денес: 98
Свет

Лични податоци на околу 20 милиони луѓе од Еквадор на интернет

Еквадорската Влада го истражува случајот со објавувањето на личните податоци на милиони граѓани на Интернет, ситуација која ја оценија како „многу деликатна“.

Според властите податоците биле добиени од приватна компанија за време на поранешниот претседател Рафаел Кореа, кој управуваше со земјата од 2007 до 2017 година.

– Тоа е многу деликатна ситуација, повод за голема загриженост за целата Влада и за земјата – изјави на прес-конференција министерката за внатрешни работи Марија Паула Ромо.

Фирмата за информатичка безбедност VpnMentor на својот веб сајт објави дека открила лични податоци на околу 20 милиони лица, повеќето од Еквадор, кој има население од 17,3 милиони луѓе. Податоците се наоѓале на незаштитен сервер во американската држава Мајами, сопственост на еквадорската фирма Новаестрат. Податоците произлегуваат од различни места, вклучително и од регистри на еквадорската Влада, компанија за автомобили и две банки.

Еквадор нема закон за заштита на личните податоци.

Според министерот за телекомуникации Андрес Мичелена податоците биле собрани од приватна фирма за време на власта на претходниот претседател Кореа. Тој дополни дека во случајот се вмешани вработени во националниот информатички систем.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Норвешката принцеза поради бисексуалниот дечко повеќе нема да ја користи кралската титула ФОТО

saso user

Трамп: Ако сака, Иванка може да стане претседателка на САД

saso user

Пелоси ја осуди одлуката на Израел за забрана за влез на пратенички од САД

saso user