Македонија

Антикорупциска: Иванов месечно дава 4.500 евра за изнајмените канцеларии, да му се доделат државни

Антикорупциската комисија ќе побара од Службата за општи и заеднички работи на Владата да го раскине договорот за закуп на просториите на поранешниот претседател Ѓорѓи Иванов и да му додели канцеларии во државна сопственост.

Претседателката на Комисијата Биљана Ивановска на денешната седница на ДКСК рече дека сегашните простории на поранешниот претседател се избрани во една нетранспарентна постапка и се најмени од блиско лице. Месечно според Ивановска за сите трошоци се плаќаат околу 4,500 евра, без платите на вработените.

Ивановска рече дека во мала и сиромашна држава како нашата се трошат многу средства за поранешните претседатели, а нема ниту ограничувања колку години треба да им се покриваат трошоците по завршувањето на нивниот мандат, како што е во најголем број држави во регионот и пошироко. Тие, како што кажа таа, дури не поднесуваат ни извештај какви активности имале или имаат.

Според пресметките на Антикорупциска, за десет години за трошоците на поранешните претседатели се потрошени еден милион деведесет илјади и 580 евра.

Од тие причини ДКСК исто така предлага да се поднесе иницијатива до Уставниот суд за оценка на уставноста за Законот и да се поднесе иницијатива до Собранието за преиспитување на законското решени во смисла на ограничување на времетраењето на привилегиите на поранешните претседатели.

ДКСК денеска расправа и за други прашања.

ФОТО: EPA/NAKE BATEV

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Заев во име на лидерите го замолил Џафери да го распушти Собранието подоцна, но тој не попушта

saso user

3,3 милијарди евра од ЕК за Западен Балкан за лекување на здравствената криза

saso user

Сообраќајката на патот кон Крива Паланка со фатален исход: Еден загинат, петмина повредеи

saso user