Бизнис

Синдикатот и Џенерал Моторс не се договорија, активиран штрајк

Повеќе од 49.000 вработени во „Џенерал Моторс“, американски автомобилски концерн, денеска започнаа штрајк откако преговорите меѓу компанијата и работничкиот синдикат за нов договор и подобри работни услови пропаднаа, пренесува Анадолија.

Работниците затворија 33 производствени погони во девет држави низ САД, како и 22 магацини со делови. Не е познато колку долго ќе трае штрајкот. Ова е прв штрајк од вакви размери по оној во 2007 година, кога компанијата изгуби триста милиони долари за два дена од штрајкот.

Од Синдикатот велат дека штрајк во моментов е единственото решение бидејќи двете страни се далеку од постигнување спогодба за нов четиригодишен договор.

Џенерал Моторс соопшти дека тие понудиле седум милијарди американски долари за зголемување на платите, што исто така ќе резултира со создавање на 5.400 нови позиции што ќе ги заземат тековните вработени.

Претходниот четиригодишен договор на синдикатот со компанијата истече во саботата навечер, а преговорите се предвидени да продолжат денеска во десет часот по локално време.

Во меѓувреме, американската автомобилска индустрија бележи пад на продажбата и зголемување на трошоците како резултат на инвестициите во електрични возила.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Наскоро тендер за изградба на хидроелектраната Чебрен

saso user

Синдикати и здруженија бараат оставка од Ангеловска

saso user

Елезе најави ребаланс на буџетот наесен

saso user