Спорт

„Сината девојка“ се самозапали откако ѝ беше забранет влез на фудбалски стадион

Жена од Иран на која не ѝ беше дозволен влез на фудбалски стадион во Техран почина откако се самозапали, соопшти организацијата за човекови права „Амнести интернејшнл“, пренесува „Си-Ен-Ен“.

Дваесет и деветгодишната Сахар Кодајари се соочуваше со обвиненија поради „излегување во јавност без хиџаб“ кога се обидела да влезе во стадионот „облечена како маж“ во март, според „Амнести“.

– Таа беше запрена и не ѝ беше дозволено да влезе откако обезбедувањето откри дека е жена – соопшти организацијата.

Кодајари се појави во суд во Техран минатата недела, а потоа се поли со бензин и се запали. Почина во понеделникот, на 9 септември.

„Амнести“ и „Хуман рајтс вач (HRW)“ ја повикаа ФИФА да го смени банот за жените за да се гледа фудбал.

– По трагичното приведување, затворот и самоубиството на Сахар, Иран треба да го смени банот за гледањето на жени на спортски натпревари, а тие како ФИФА да се погрижат за човековите права – вели HRW.

Поради биполарното нарушување, состојбата на Сахар во затвор се влошила. Вака кажала нејзината сестра во едно интервју.

– Ако понижувањето, казната и затворот не беа доволни за ФИФА да преземе нешто, еве сега една од нас се самозапали за да покаже оти жените во Иран исто така сакаат да гледаат фудбал – напиша групата за жени „Опен стадиумс“.

Сахар е позната на социјалните мрежи како „сината девојка“, поради боите на нејзиниот омилен фудбалски тим.

– Ние сме свесни за трагедијата и жал ни е. Сочувство до семејството и пријателите на Сахар и ќе се погрижиме иранските власти да се грижат за слободата и безбедноста на секоја жена во врска со борбата против банот – било кажано од ФИФА.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Венгер: Фудбалот ќе биде уништен ако на долг рок игра без публика

saso user

Познати четвртфиналистите во Копа Америка

saso user

Прв турнир во Македонија под покровителство на Светската пинг понг федерација (ИТТФ)

saso user