Број на текстови објавени денес: 76
Свет

Бесплатни патувања за „инфлуенсери“ за да го поправат имиџот на Саудиска Арабија

Саудиска Арабија почна да привлекува „инфлуенсери“ од социјалната мрежа Инстаграм со бесплатни патувања за да помогне во подобрување на имиџот на државата, објави Бизнис инсајдер.

Саудискиот престолонаследник Мохамед бин Салман исто така сака да го развие туризмот во земјата, што би придонело долгорочно да се намали зависноста на Саудиска Арабија од нафтата, објави порталот.

Бизнис Инсајдер интервјуирал десетина популарни „инфлуенсери“ кои им раскажаа за внимателно подготвено и државно спонзорирано патување што треба да го промени имиџот на Саудиска Арабија.

На тој начин, Саудиска Арабија сака да го одвлече вниманието на јавноста од кршењето на човековите права во земјата, смртната казна и други бруталности, како што е убиството на новинарот Џамал Кашоги.

Понудата опфаќа, меѓу другото, и петдневна турнеја по Саудиска Арабија, која завршува со заминувањето на Гран-при на Формула-1, за што на инфлуенсерите им беа обезбедени ВИП билети.

Организирани биле деветдневни тури за „инфлуенсери, креатори на политики и идни лидери преку  „елитна програма за културна размена“, финансирана од државни компании и една професионална организација блиска до владејачкото семејство.

Другите опции вклучуваа присуство на спортски настан во НЕОМ, мегаполис од 500 милијарди американски долари во изградба или посета на владин фестивал за музика и уметност наречен „Зима во Тантора“.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Близначки се родиле со три месеци разлика

saso user

СЗО: Трансродноста не е веќе на листата на ментални болести

saso user

Долниот дом на Конгресот го отфрли барањето за импичмент на Трамп

saso user