Балкан

Крвава драма на Лезбос: Малолетен бегалец уби негов врсник во прифатен центар

Со нож, од засега непознати причини, 15-годишен бегалец без придружба од Авганистан, нападна негови врсници во прифатниот центар на грчкиот остров Лезбос, усмрти еден од нив, а двајца повреди, jави дописничката на МИА од Атина.

Инцидентот, според грчките медиуми, се случи синоќа кусо по 23 часот во делот за прием на малолетни лица без придружба што е во склоп на центарот за прием и идентификација на бегалци и мигранти во Морија на Лезбос.

Малолетниот бегалец со нож нападнал врсници, негови сонародници, усмртил еден, додека пак од двајцата повредени, едното дете е во сериозна состојба.

Според грчките медиуми инцидентот се случил во т.н. заштитена зона, каде што се сместени малолетните бегалци и мигранти без придружба, а нивната бројка е тројно поголема од капацитетот на центарот. Во конкретниот дел наменет за 160 лица има над 600 малолетници.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

На територијата на општината Андриевица ќе се гради првата НАТО касарна

saso user

Мицотакис од денес премиер, се очекува Ципрас да му го предаде кабинетот

saso user

Повторно пожар во Рафина, каде лани 102 лица го загубија животот

saso user