Македонија

Топлото време ги вжешти линиите на Брзата помош и го зголеми бројот на мозочни удари

Од 300 до 400 повици дневно има во Службата за Итна медицинска помош (ИМП) во Скопје, како и 100 до 120 интервенции на нивни екипи. Дневно има и десеттина колапси на јавно место и зголемен број на случаи со мозочни удари, изјави за МИА раководителот на смена во ИМП, Маргарита Трипуновска.

Таа појасни дека граѓаните кои не се чувствуваат добро поради топлото време имаат кардиоваскуларни промени, главоболки, висок притисок, низок притисок, вртоглавица, повраќање, малаксаност, поспаност…

Посочи дека интервенираат и при сообраќајни незгоди, физички напади, кои се зачестени изминатите денови.

–  Граѓаните треба подолго време да престојуваат во разладени простории, да носат лесна облека, да внимаат на исхраната која треба да биде свежо подготвена, да пијат повеќе течности, да избегнуваат престој на отворено во периодот од 10 до 17 часот. Хронично болните навреме треба да ја земаат терапијата – додаде д-р Трипуновска.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Скопски дилер на хероин заврши во затвор

saso user

Димитров за Јанева: Една личност не може да биде причина целата нација да се откаже

saso user

Мерко го кани Сугарески заедно да прошетаат по струшките плажи

saso user