Балкан

Редок вид ајкула уловена кај Валона

Во близина на областа Радиме, кај Валона, во рибарските мрежи денеска e уловена ајкула долга 1,5 метaр.

-Овој вид ајкула е многу редок во водите на Јонско Море. Нејзината појава во близина на Валонскиот залив е поради климатските промени, велат рибарите.

Во мрежите на албанските рибари во последните две години уловени се над десеттина ајкули, сите на оддалеченост од неколку милји од морскиот брег. Тежината на уловените ајкули се движи од 100 до 400 килограми, а месото завршува во угостителските објекти, бидејќи важи за вистински специјалитет.

За првпат, кон крајот од минатиот месец туристите на плажата кај Дерми, биле изненадени кога ајкула дошла преблиску до брегот. Тие биле во морето кога им се доближила ајкулата.

Дерми е една од најубавите плажи на албанското крајбрежје, која се наоѓа на 42 километри јужно од градот Валона. Откако бил даден алармот од чуварите на плажата, сите излегле од водата и тој момент го снимиле со нивните мобилни телефони.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

ГРЕКО: Србија воопшто нема исполнето ниту една од 17-те препораки

saso user

Со 25.000 евра ќе се поправа пештерата на Тито во Дрвар

saso user

Му се закани на Харадинај и доби 20 месеци затвор

saso user