Македонија

АВМУ: Премиерот да се воздржи од дискредитирање, етикетирање и дискриминирање

Агенцијата за аудио и аудиовизуелни медиумски услуги најостро ја осудува денешната изјава на премиерот Зоран Заев во врска со случајот „Рекет“ која е проблематична најмалку по три основи. Имено, премиерот, како носител на јавна функција, наместо да ја прифати и да ја почитува улогата на новинарите како критичари на работата на власта се обидува да дискредитира новинар. Наместо да покаже највисоко ниво на почитување на различностите, тој употребува етикетирање кое што е дерогирачко за ЛГБТ-лицата. Заев во својата изјава исто така не ја почитува ниту пресумпцијата на невиност, соопштија вечерва од Агенцијата за аудио и аудиовизуелни медиумски услуги (АВМУ).

Реакцијата е по изјавата на премиерот Зоран Заев дека нема да дозволи „неколку криминалци, еден суетен новинар и еден педер“ да ја симнат оваа влада од власт.

– Агенцијата уште еднаш сака да ги потсети политичарите дека нивна обврска е да ги почитуваат европските стандарди за слобода на информирање, да ги почитуваат различностите и да се воздржат од употреба на јазик којшто може да ги поткопа овие вредности – нагласуваат од АВМУ.

Заев претходно се извини на Твитер, обидувајќи се да појасни дека зборот „педер“ го употребил за да даде карактерна особина, а не да означи сексуална припадност.

 

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Малолетник од Струмица нападнат во трговски центар

saso user

Aкциска контрола за санкционирање на возачи што возат под дејство на алкохол

saso user

Без вода поголем дел од Охрид

saso user