Број на текстови објавени денес: 41
Македонија

Ларис Гајзер: Сакам да ја заштитам Македонија од понижување!

Ларис Гајзер, сопственикот на италијанскиот весник „Ла верита“ кој вчера и денес објави снимки од средба на Бојан Јованоски – Боки 13, Зоран Милески – Кичеец со бизнисменот Орце Камчев, на која тој им предава торби полни со пари, денеска објаснува дека со овие објави сака да помогне во потрагата по вистината во Македонија.

„Денеска на ‘Ла верита’ го објавив вториот дел од мојот прилог за раширеноста на корупцијата во Македонија. Од 2015 година ги следам и известувам за тоа како група некомпетентни политичари (десни и леви) со помош на непријателски странски сили бесрамно играат со секојдневниот живот и судбина на македонскиот народ. Заслепеноста на политичките елити измешана со злобните меѓународни притисоци ја донесоа Македонија до корупција и опасен пример за општо прифатен ограничен суверенитет.

Сите мои претходни прилози и говори го докажуваат напорот да ја заштитам Македонија од понижување, да ја предупредам ЕУ за нејзиното недолично однесување и да ја поштедам меѓународната заедница од создавање неприфатливи преседани.

Не сум богат. Мразам глупости и манипилации. Верувам во човечката интелигенција и во слободата. Двете секогаш го наоѓаат патот до површината. Мојата надеж, денес со моите извештаи е да ги охрабрам добрите, сѐ уште независни, слободни судии – вистински верници во важноста на владеењето на правото – да истражуваат понатаму и да ја направат Македонија светол пример за стабилна земја!

Избегнувајќи да бидам вовлечен во политички борби, би сакал да го дадам својот мал придонес во потрагата по вистината за да му помогнам на македонскиот народ да најде нови сили на патот кон организирана држава. Со тековните сложени геостратешки промени, ние Европејците ѝ должиме на Македонија стабилност, сигурност и уникатна историска мудрост. Наместо да биде вештачки изолирана, Македонија треба што поскоро да стане член на нашата, иако несовршена Европска Унија, правејќи нѐ посилни и побогати“, напиша Гејзер на својот профил на Фејсбук, на кој вчера имал рекорден број побарувања за пријателства од Македонија и го надминал бројот од 5.000 пријатели.

 

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Талевски: Со мерката „Зелена нафта“ над 5.000.000 денари завршуваат кај прилепските земјоделци

saso user

Дождот ќе паузира за викенд, па ќе продолжи од понеделник

saso user

Арсовски: Смешно е квалитетни луѓе да презентираат популизам дека повторно ќе го смениме името

saso user