Број на текстови објавени денес: 0
Македонија

Мораториум за градби на охридскиот брег, Охрид и Струга да ги спроведат препораките на УНЕСКО

Владата денеска донесе одлука да го повлече Законот за управување со природното и културното наследство во Охридскиот регион и им препорача на општините од регионот да прогласат мораториум на градежните активности до донесување на Планот за управување со природното и културно наследство.

Владата ја усвои информацијата за учество на делегацијата на Македонија на 43-тиот состанок на Комитетот за светско наследство на УНЕСКО во Баку, Азербејџан и уште еднаш ја реафирмираше определбата да се зачува статусот на Охридскиот регион како светско наследство впишано во листата на УНЕСКО.

Владата им препорача на општините Охрид и Струга, во рок од 10 дена да изготват акциски план со роковник за спроведување на препораките на УНЕСКО за обврски од надлежност на општините и во рок од два дена по усвојување на акциските планови од страна на советите на општините, да ги информираат Министерството за транспорт и врски, Министерството за култура и Министерството за животна средина и просторно планирање.

Овие министерства со одлука на денешната седница добија задолжение да ја координираат меѓуинституционалната активност за спроведување на препораките на УНЕСКО и еднаш месечно да ја информираат Владата за прогресот во имплементација на препораките.

 

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Гори Вардариште

saso user

СДСМ: Сиљановска потврди дека не си го познава народот, државата, не ги почитува новинарите и бега од сочување со јавноста

saso user

Папата Франциск на мисата во Скопје: Рамнодушноста и клеветите да ги замениме со чувствителност и надеж ГАЛЕРИЈА

saso user