Број на текстови објавени денес: 120
Балкан

По Харадинај, Хаг го повика и експретседателот на Собанието на Косово, Красниќи

Поранешниот претседател на косовското Собрание и портпарол на Ослободителната војска на Косово (ОВК) во 1998-99 година, Јакуп Красниќи доби покана од Специјалниот суд за воени злосторства во Косово, каде што треба да се јави идната недела, на 24 јули, јави дописникот на МИА од Приштина.

Информацијата ја потврди самиот Красниќи, кој преку соопштение за јавноста изрази уверување дека „правдата ќе биде задоволена“ и порача дека „вистината е дека во војната во Косово, Србија изврши геноцид, а нејзините монструозни конструкции за ОВК ќе паднат во вода“.

– Несреќа и своевидна иронија е тоа што наместо Србија да се соочи со правдата за злосторствата против човештвото и за геноцидот, ние треба да се браниме од нејзините измислени обвиненија, наместо да се судат аргументите и доказите кои се неспорни и кои ги знае цел свет, правдата се занимава со ниски измислици и невистини на српската политика и на нејзините тајни служби – вели Јакупи во соопштението.

Според првиот претседател на косовското Собрание по војната, Специјалниот суд е формиран врз основа на извештајот на Дик Марти, усвоен од Советот на Европа, кој „има за цел компромитација и инкриминација на праведната и чиста борба на ОВК“.

Покана да се појави пред Судот во Хаг во својство на осомничен доби и Рамуш Харадинај, кој вчера поднесе оставка од фунцкијата претседател на Владата на Косово, порачувајќи дека пред судот сака да се појави како граѓанин на Република Косово, а не како премиер.

Photo: EPA VALDRIN XHEMAJ

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Уапсена жена пироманка осомничена дека го подметнала страшниот пожар кај Шибеник

saso user

Албански специјалци ќе го контролираат аеродромот во Тирана

saso user

Маж со нож избодел четири лица пред кафуле во Сплит, полицијата употребила солзавец за да го уапси (ВОЗНЕМИРУВАЧКИ ФОТОГРАФИИ)

saso user