Број на текстови објавени денес: 120
Сцена

По 33 години Том Круз е повторно Маверик: Објавен трејлерот за „Топ ган“ ВИДЕО

Еден од најомилените филмови на многумина, „Топ ган“ следното лето се враќа на големото платно. Во главната улога како Маверик, повторно ќе ја гледаме холивудската икона Том Круз.

Имено, Круз ненајавено се појави на фестивалот „Комик-Кон“ во Сан Диего, кадешто беше прикажан првиот трејлер за долгоочекуваното продолжение на „Топ ган“.

По цели 33 години, сега 57-годишниот Круз се враќа во улогата на пилотот Маверик во „Топ ган: Маверик“, во кој ќе се соочи со дронови и со петта генерација борбени авиони. Тој го опиша филмот како „љубовно писмо за авијација“.

Вал Килмер повторно го игра Ајсмен, а нови имиња се Мајлс Телер, Џенифер Коноли, Џон Хем и Џеј Елис.

Овој проект првпат беше најавен во 2010 година, а го режира Џозеф Козински.

„Пилотите се враќаат, потребата од брзина. Ќе имаме големи, брзи машини, тоа ќе биде натпреварувачки филм, како и првиот, но напредок за Маверик“, изјави Круз.

Оригиналниот „Топ ган“, режиран од Тони Скот, е еден од синонимите на 1980-тите и заработи 350 милиони долари на светско ниво. Продолжението доаѓа во киносалите на 16 јуни 2020 година.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Барак Обама лично им ја честитал свршувачката на Џеј Ло и Алекс Родригез ФОТО

saso user

Малек: Не се гледав во улогата на Фреди додека не го дознав неговото вистинско име

saso user

Џеј Ло со облога врз левото око (ФОТО)

saso user