Број на текстови објавени денес: 121
Македонија

Скопје доби нови зелени површини

Екипите на Град Скопје изминатиов период хортикултурно уредија и реконструираа повеќе јавни зелени површини во различни делови од градот. На зелените плоштади и коридори е поставена мрежа за наводнување, уредени се нови тревници и цветни форми и се засадени садници, информира Градот.

На булeварот Србија наспроти „Џевахир Скај Сити“ на површина од 4.781 квадратен метар е уреден зелен плоштад со хидрантска мрежа и 50 прскалки. Со зеленило е уреден и просторот во Ново Лисиче меѓу булеварот Февруарски поход и улицата Тодор Чангов, на површина од 3.635 квадратни метри.

Зазелени и просторот меѓу улиците Втора македонска бригада и Кемал Сејфула во Чаир на површина од 3.590 квадрати, а уреден е и зелен коридор на булеварот 8.Септември во Карпош – на потегот меѓу булеварите Партизански одреди и Митрополит Теодосиј Гологанов, на површина од 3.479 квадратни метри.

Во текот на изминатите месеци со зеленило беа збогатени јавни површини и на булеварот Митрополит Теодосиј Гологанов, кај „Реплек“; на булеварот Партизански одреди, кај Соборниот храм „Свети Климент Охридски“ и во близина на Универзалната сала, како и на просторот зад „Дрводекор“ и на булеварот Митрополит Теодосиј Гологанов во близина на студентскиот дом „Кузман Јосифовски Питу“.

Подигањето и уредувањето нови зелени површини е меѓу приоритетите на Град Скопје. Активностите за уредување на нови зелени плоштади и зелени коридори ќе продолжат и во текот на летово.

 

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Заев избра 30 лидери на општинските социјалдемократи

saso user

Заев – Анагностопулу: Испишуваме позитивна историја

saso user

Димитров: Да се реши СЈО за наесен да нема оправдувања за ниту една земја

saso user