Македонија

Почна изградбата на првата социјална зграда во Неготино

Во Неготино почна изградба на социјална зграда во која ќе можат да се вселат 62 семејства од социјално ранливите категории.

Генералниот директор на Акционерското друштво за изградба и стопанисување со станбен и деловен простор од значење за Републиката Кристијан Трајковски изјави дека зградата треба да биде завршена за 18 месеци.

– Можно е оваа зграда да биде завршена и пред утврдениот термин и сите оние лица кои имаат проблем во делот на станбеното прашање, а ги исполнуваат критериумите порано да добијат кров над глава – рече Трајковски.

Според него, следува интензивен период во делот на изградба на објекти од ваков тип. Во текот на август ќе почне изградба на згради за социјално ранливи категории граѓани во Виница, Свети Николе и скопската општина Бутел, а од ноември уште пет вакви објекти во Дебар, Велес, Гевгелија итн.

Министерот за транспорт и врски Горан Сугарески посочи дека Владата е силно фокусирана на реализирањето на целите кои треба да обезбедат решавање на станбеното прашање на социјално ранливите категории.

– Во наредниот период колку што можеме ќе обезбедиме покрив над глава на семејства од различни општини. Покрај тоа што заедно со јавните претпријатија го работиме во делот на патната, железничкат и комуналната инфраструктура, особено ни е важна и изградбата на социјални станови – рече Сугарески

Градоначачникот на Неготино нагласи дека во Неготино прв пат се гради социјална зграда.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Македонската и пет други армии ќе го зададат „одлучниот удар“ на Криволак

saso user

Автопатот Скопје – Велес е блокиран поради сообраќајка, се вози по стариот пат

saso user

Младински образовен форум: Не смее средношколците да бидат заморчиња!

saso user