Број на текстови објавени денес: 0
Балкан

Павлопулос не ги потпиша декретите за избор на претседател и обвинител на Врховниот суд

Грчкиот претседател Прокопис Павлопулос не ги потпиша претседателските декрети за избор на претседател и обвинители во Врховниот суд на Грција, избрани од претходната влада.

Правната служба на претседателот на државата до Владата ги врати двата нацрт претседателски декрети.

Како што јави дописничката на МИА од Атина, грчки дипломатски извори коментираат дека од моментот кога декретите не се потпишани од претседателот на државата, немаат никаква правна сила и според тоа немаат обврзувачки карактер за новата влада.

На 31 мај, на вонредна владина седница, зад затворени врати, тогашната влада на СИРИЗА донесе одлука за избор на новите челници на највисоките судови, а од Нова демократија тогаш оценија дека изборот е противуставен и нелегален, бидејќи земјата беше пред парламентарни избори.

На почетокот на мај започнаа процедурите во грчкиот Парламент за избор на претседател на Врховниот суд, јавен обвинител и тројца заменици претседатели на Уставниот суд на Грција, бидејќи мандатот на актуелните им беше до 30 јуни.

Фото: EPA/KOCA/SULEJMANOVIC

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Дачиќ: Ви честитам, имавте спор со Скопје за името, не за територија што е многу полесно

saso user

Двајца загинаа во авионска несреќа во Бугарија

saso user

Балканскиот гигант „Агрокор“ денеска замина во историјата

saso user