Број на текстови објавени денес: 124
Спорт

Федерер до новинар: Не ти е прв работен ден, за да ме прашуваш за силните страни на Надал

Швајцарската тениска легенда, Роџер Федерер, се вознемири од новинарското прашање по неговата победа во четвртфиналето на „Вимблдон“.

Во полуфиналниот дуел, тој ќе се соочи со својот голем ривал Рафаел Надал во едно од најголемите ривалства во машкиот тенис во последните 15 години.

Рафа победувал 24 пати, а Роџер – 15. За последен пат се сретнаа во полуфиналето на „Ролан Гарос“, а Шпанецот победи лесно со 6:3, 6:4, 6:2.

Прашањето што го предизвика ироничниот одговор на Федерер беше: „Кои силни страни на Надал се негов главен проблем во нивните меѓусебни средби?“

„Вие не сте прв ден на работа. Знаете сè за Рафа, како и јас. Јас не гледам смисла да ги набројувам неговите предности и слабости. Во последниве години тој значително ја подобри својата игра на трева. Веќе сервира на поинаков начин, има малку врска со минатото. Сега тој добива многу лесни поени со својот прв сервис. Не сме се сретнале на трева долго време и ќе биде интересно, рече Федерер.

Тие последен пат се сретнаа во финалето на „Ол Ингланд Клаб“ во 2008 година, а Матадорот запиша незаборавна победа од 6:4, 6:4, 6:7 (5), 6:7 (8), 9:7.

ФОТО: EPA / WILL OLIVER

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Клоп: Не можам да трошам по 300 милиони секоја година како Сити и ПСЖ

saso user

Младеновиќ и Бабош ја освоија титулата во двојки на „Ролан Гарос“

saso user

Инфантино: Жените се попријатни од мажите, треба да учиме од женскиот фудбал

saso user