Бизнис

Обезбеден пристап на компаниите до 17 илјади инвеститори

Концептот на прибирање пари од поголем број инвеститори за финансирање на компаниите (краудфандинг) кој за македонските компании е достапен преку Македонска берза денеска беше претставен на компаниите членки на Сојузот на стопански комори. На презентацијата беше потпишан i меморандум за соработка меѓу Берзата и Сојузот.

Платформата, како што беше речено на презентацијата, овозможува поврзување со 200.000 приватни компании и 17.000 инвеститори.

–  Преку оваа платформа македонските стартапи, но и малите и средни претпријатија, добиваат можност за пазарно финансирање, локално и глобално, во зависност од нивната иновативност и конкурентност, а домашните инвеститори прилика да вложат во бизнис проекти во кои ќе препознаат добар потенцијал – рече директорот на Македонска берза Иван Штериев.

Габирела Кулебанова, потпретседател на Сојузот рече дека е потребно подигање на свеста кај компаниите за различните модели на финансирање.

– Токму затоа, Сојузот на комори сака да ги направи подостапни сите можности кои се нудат за влез на средства во домашните компании, со долгорочна цел – градење на силен национален приватен сектор. Неопходно е нашата земја да биде во чекор со глобалните финансиски текови и средствата кои се вложуваат во компаниите и во нивниот развој да бидат достапни и за македонските компании – рече Кулебанова.

Интернет платформата Фандербим функционира преку принципот на креирање кампањи за собирање средства, таканаречени – краудфандинг.

Македонија преку Македонска берза е прва земја од регионот на Западен Балкан, која ќе има пристап до интернет платформата Фандербим, за финансирање која функционира преку принципот на креирање кампањи за собирање средства, таканаречени – краудфандинг.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Gulf (Галф) со нови цени на горивата низ државата

saso user

Да се применуваат европските стандарди за заштита на животната средина

saso user

450 невработени нашле работа преку мерката Вработување и раст

saso user