Број на текстови објавени денес: 0
Бизнис

Нов пат гради, стариот поправи го!

Интензивно се врши реконструкцијата на регионалниот пат Штип-Радовиш, по кој се одвива сообраќајот од Штип кон Радовиш и Струмица. Фирмата „Штрабаг“, која го гради експресниот пат Штип-Радовиш е задолжена да изврши рехабилитација на 21 километар од регионалниот пат. Министерот за транспорт и врски, Горан Сугарески и директорот на ЈП за државни патишта, Зоран Китанов извршија увид во реконструкцијата, кај местото викано „Пилав Тепе“.

Инвестицијата е во вредност 2.400.000 евра.

– Се прават бројни реконструкции, што е уште поважно се работи на патишта на кои 40 или 50 години апсолутно ниту метар асфалт не е фрлен. За жал, изминатите десет години се инвестираше во други непродуктивни работи. Во моментов што е многу важно за овој регион е дека се инвестираат над 100 милиони евра во два експресни пата и тоа Штип-Радовиш и Штип-Кочани. Гледате денеска и овде се реконструира – изјави Сугарески.

Директорот на ЈП за државни патишта, Зоран Китанов, истакна дека до август ќе се заврши реконструкцијата на регионалниот пат Штип-Радовиш. Забележа дека на 20 метри од овој пат интензивно се гради и новиот експресен пат Штип-Радовиш, на кој во август ќе почне ставањето на првиот слој асфалт.

– Во моментов се работи на рехабилитација на над 400 километри патишта низ нашата држава, што регионални, што магистрални, што автопатишта. Не е потребата само да градиме нови автопатишта, а старите да ги забораваме – вели Китанов.

Што се однесува на вториот лот од новиот експресен пат Штип-Радовиш од штипската населба Три Чешми до мостотот на реката Брегалница и од рудникот „Бучим“ до влезот на Радовиш, Китанов истакна дека е завршена квалификациската тендерска постапка, а проектот се реализира преку Европската инвестициона банка, а понудите на фирмите се испратени во Лондон во седиштето на банката и веќе се очекува повратен одговор, која од фирмите ќе биде избрана за изведувач на градежните работи.

Министерот за транспорт и врски, Сугарески забележа дека имаат реконструкции и на патишта во Малешевско-пијанечкиот регион и во струмичкиот регион, кон границата со Бугарија.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Николовски ги прифати барањата на преспанските производители на јаболка

saso user

Заев: Се враќаме од Познањ со 43 милиони евра ВИДЕО

saso user

ИДСЦС: Мажите побројни во управувачките структури

saso user