Македонија Топ вести

Џафери ја отфрли иницијативата за нарко тест на пратениците

Претседателот на Собранието Талат Џафери како неоснована ја отфрли иницијативата на независната пратеничка група на ВМРО-ДПМНЕ за нарко тест на пратениците.

Од Собранието информираат дека Џафери ја добил и ја разгледа иницијативата која се однесува на барањето за доброволно тестирање на пратениците во Собранието од наркотици.

– Ве информираме дека, во Законот за пратеници, во Деловникот за работа на Собранието и во Уставот на Република Северна Македонија, нема правен основ според кој Претседателот и Собранието на Република Северна Македонија би можеле да ја реализираат иницијативата на независната пратеничка група. Условите за кандидирање, за избор и за работа на пратениците во Собранието на Република Северна Македонија се јасно дефинирани и оттука, претседателот на Собранието не може и не смее да постапува надвор од своите законски овластувања – се вели во соопштението.

Од таму додаваат дека според Законот за безбедност и здравје при работа, член 22, став 1, работодавачот мора да обезбеди здравствени прегледи за вработените најмалку на секои 24 месеци.

Пратениците и вработените во Собранието, како и сите вработени лица во државата, одат на редовни годишни систематски прегледи, кои се потврда за нивната здравствена состојба. Последниот систематски преглед се реализирал во 2017 година, а следниот редовен систематски преглед ќе се спроведе во текот на оваа година.

– Дополнително, не се точни тврдењата на координаторот на пратеничката група на ВМРО-ДПМНЕ Никола Мицевски дека, претседателот на Собранието може и без формално покрената иницијатива, да утврди одговорност на пратеник. Согласно Кодексот за етичко однесување на пратениците, Член 15, претседателот на СРСМ нема надлежност во постапката за утврдување на сторени лесни и тешки повреди и изрекување на мерки за пратениците – велат од Собранието.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Измените на Законот за финансиска дисциплина во Собрание

saso user

Осум дена притвор за полицаецот кој зел 20 евра поткуп

saso user

Манчевски: Одлуките на Антикорупциската комисија ќе се почитуваат за роднинските вработувања

saso user