Број на текстови објавени денес: 64
Свет

Холандија: Или прифатете повеќе бегалци или ќе воведеме гранични контроли за Источноевропејците

Холандскиот премиер Марк Руте денеска се закани со воведување на гранични контроли за државјаните на источноевропските членки на ЕУ, доколку овие земји не се согласат да прифатат поголем број бегалци.

Во интервју за холандската телевизија НОС, Руте вели дека со потпишувањето на Шенгенскиот договор за слободно движење, земјите не може да уживаат само во предностите, туку мораат да ги преземат и одговорностите што произлегуваат од него.

– Неприфатливо е неколку земји да прифатат најголем дел од бегалците. Она што ние, како западноевропски земји можеме да направиме, е повторно да воведеме гранични контроли кон државите од Источна Европа – вели Руте.

Како пример Руте ја посочува Унгарија, која. како што вели, на ниту еден начин не им помага на барателите на азил, дури кога тие не ни сакаат да останат во земјата, туку да заминат во некоја друга европска држава.

Забелешката на Руте се однесува на унгарскиот закон за забрана за укажување помош на барателите на азил, поради што најголем дел од нив завршуваат на границите на Унгарија на т.н. ничија земја, каде немаат пристап ниту хуманитарните организации.

Руте најави дека за неговата идеја за воведување на гранични контроли за Источноевропејците веќе разговарал со францускиот претседател Емануел Макрон, а наскоро ќе има разговори и со германската канцеларка Ангела Меркел.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Трамп: Ако треба ќе ја напуштиме СТО, со години нѐ мачат

saso user

Патнички авион кој лета побрзо од звукот

saso user

Причината за смртта на Италијанецот и труењето на децата во Хрватска е јаглерод моноксид

saso user