Број на текстови објавени денес: 64
Здравје

По пет воспаленија на крајниците – операција

Воспалението на аденоидот или третиот крајник често се јавува кај децата во колективите, како што се градинките и училиштата. Може да се оперира веднаш штом детето ќе наполни една година, доколку лекарот процени дека тоа е неопходно.

Ако воспалението се јавува почесто од пет пати годишно и е придружено со тегоби, тоа значи дека е потребна операција, тврдат оториноларинголозите.

Третиот крајник е дел од имунолошкиот систем на главата и вратот. Ако честите воспаленија се придружени со фебрилност, воспаление на ушите, секреција во шуплините на средното уво или компликации во вид на чести бронхитиси или пневмонии, неопходно е да се отстрани, бидејќи претставува жариште на инфекциите во организмот, вели д-р Светлана Ваљаревиќ, оториноларинголог.

Понекогаш третиот крајник се отстранува хируршки и поради тоа што со големината го попречува или потполно го оневозможува дишењето преку носот. Децата со зголемен аденоид дишат на уста, ноќе ‘рчат, се будат преморени, имаат лош апетит и послабо напредуваат.

За да се оперира детето, резултатите од крвната слика мора да бидат во границите на референтните вредности, а брисевите од носот и грлото уредни. Операцијата на сите возрасти се изведува во општа анестезија, вели д-р Ваљаревиќ.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Зошто не смееме да пиеме вода од пластично шише кое стоело во автомобил?

saso user

На момчињата и на девојчињата до 9 години им треба иста количина храна

saso user

Имате краток здив и чувство на „тесни бели дробови“? Проверете, можеби имате диспнеа

saso user