Број на текстови објавени денес: 0
Бизнис

Под дрво и под камен се бара кадар да преговара со ЕУ

Министерството за информатичко општество и администрација во соработка со други ресори бара начин за привлекување кадар и од јавниот сектор и надвор од  институциите за вклучување во процесот на преговори со Европската унија, изјави денеска ресорниот министер Дамјан Манчевски.

Тој смета дека државата ќе биде подготвена да одговори на барањата со потребниот кадровски капацитет кога ќе почнат преговорите.

– Заедно со Министерството за труд и социјална политика, Секретаријатот за европски прашања и со Министерството за финансии работиме на предлог со кој ќе се овозможи начин, се надеваме, кој ќе привлече луѓе и од другите институции во рамки на јавниот сектор, но и надвор од институциите да се приклучат во процесот на преговорите. Ова е нешто на што ќе треба да работиме во следните неколку месеци, да одреагираме нормално бргу и навистина сметам дека ќе бидеме подготвени во оној момент кога ќе почнат преговорите да одговориме на барањата – изјави Манчевски, одговарајќи на новинарски прашања пред јавната расправа за измените на законите за јавен сектор и за административни службеници.

Како што истакна Манчевски, кадровски сме подготвени за клучните сектори што се први на дневен ред за преговорите со оглед на тековниот скрининг, но ќе треба да се работи на капацитетот за останатите сектори.

Ќе се работи, како што најави, на повеќе полиња за да се привлечат лица за приклучување во преговорите. Во институциите, смета тој, има капацитети што треба да се насочат на вистинските места.

– Нормално е дека еден од аспектите е секако поголема мотивација од финансиски апсект, но не е секогаш и тоа, понекогаш луѓето бараат и друг тип професионална надградба и шанса да бидат вклучени во овие, би рекол историски процеси. Ќе се работи на неколку полиња преку што ќе се обидеме да привлечеме луѓе не само од надвор и од институиците, бидејќи имаме капацитети во институциите што треба да го најдеме и да го канализираме на вистинско место. Секако динамиката ќе биде како што ќе тече отворањето на поглавјата. Во секторите што се први на дневен ред и не е толку лоша состојбата, но следуваат веднаш и други сектори што ќе се отвораат и мора да се работи брзо – рече Манчевски.

Во коментар на најавата за префрлање на вработени од јавниот во приватниот сектор, ресорниот министер потенцираше дека нема потреба да се стравува од отпуштање и оти такви активности би се случиле на крајот на годинава.

– Нема потреба да стравуваат од ништо, сѐ ќе биде доброволно, но факт е дека мора да направиме нешто во делот на реформа на системот и оптимизација на вработените во јавниот сектор, статус кво ситуацијата не може да остане – рече Манчевски.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Стипендистка на ОКТА и на Хеленик петролеум се усовршува за реформирање на рафинерии во Атина

saso user

Србија донесе Закон за конверзија на „швајцарските“ станбени кредити

saso user

Административците нема да трчаат по митинзи, ако се принудени ќе ги пријавуваат шефовите

saso user