Број на текстови објавени денес: 111
Македонија

Обвинителството не открило дека постои трговија со здрави новороденчиња

Основното јавно обвинителство за гонење на организиран криминал и корупција информира дека, по спроведување на сеопфатно проучување на добиената документација и известувањата од надлежните органи во врска со наводна трговија со здрави новороденчиња од страна на надлежен јавен обвинител е донесена одлука со која укажува дека нема место за јавнообвинителска интервенција.

„По дејствијата преземени од страна на надлежен обвинител и врз основа на прибраната документација и побараните известувања од Народниот правобранител, Министерството за труд и социјална политика и Првата детска амбасада „Меѓаши“, произлезе дека во конкретниот случај нема докази, ниту индиции за постоење на основи на сомнение за сторено кривично дело за кое се гони по службена должност“, се наведува во соопштението од ЈО.

Основното јавно обвинителство за гонење организиран криминал и корупција, следејќи ги информациите во медиумите, во декември 2018 година отвори предмет по допрен глас.

Во медиумите, се вели во соопштението од ЈО, беа изнесени сознанијата на Народниот правобранител дека постои сомнение за организирана криминална група која подолг временски период се занимава со трговија со здрави новороденчиња. Наводно, на биолошките родители веднаш или по краток временски период по раѓањето им се соопштувало дека новороденото е починато, а всушност тоа било здраво и заради понатамошно посвојување станувало жртва на трговија.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Османи на Меѓународна конференција на високо ниво во Скопје – „Проширувањето на ЕУ на крстопат“

saso user

Собранието ќе ја прифати оставката на Груевски, но и на Богоевски

saso user

Лазаровска би му дала Нобелова награда на терористот од Нов Зеланд, АРМ ќе ја казни

saso user