Број на текстови објавени денес: 96
Македонија

Заев – Куик: Нашето економско партнерство и проекти ќе создадат бенефити, особено за младите

Безрезервна поддршка за засилување на економското партнерство со цел да се создадат услови за отворање нови работни места, особено за младата генерација, како и волја, плодовите од изразеното искрено пријателство од двете страни да биде искористено за зближување на двата народа, за заеднички раст и развој, како пример за соработка на две соседни земји во целиот регион.

Ова беше истакнато на денешната средба на премиерот Зоран Заев со заменик-министерот за надворешни работи на Грција, задолжен за грчката дијаспора Теренс Николаос Куик, кој е во дводневна работна посета на нашата земја, соопштија од владината прес-служба.

На средбата, на која премиерот Заев беше придружуван од министерот задолжен за дијаспората Едмонд Адеми и заменик-министерот за надворешни работи Андреј Жерновски, а која помина во пријателска и срдечна атмосфера, беше изразено задоволство од позитивниот развој на односите меѓу двете соседни земји, по потпишувањето на Преспанскиот договор, со што, како што беше нагласено од двете страни, се отвори перспективна иднина за граѓаните и идните генерации и во Грција и во Северна Македонија.

– Со мојот пријател, грчкиот премиер Алексис Ципрас, покажавме дека пред нас, стојат отворени можности за соработка и дека заедничките интереси можеме да ги искористиме за позитивна соработка, да ги надоместиме изгубените години. Со нашата заедничка политичка волја покажуваме и веќе чувствуваме дека е возможна одлична економска и трговска соработка меѓу нашите пријателски земји, како и соработка во областа на туризмот, образованието, културата и спортот, рече премиерот Заев.

Исто така, на средбата беше потенцирана и важноста на Акцискиот план, кој беше потпишан од страна на премиерите Заев и Ципрас, при неодамнешната посета на делегацијата на грчката Влада на нашата земја, со кој се регулираат сите активности кои опфаќаат договори за унапредување на заедничката соработка во одбраната, енергетиката, транспортот, земјоделството, здравството, како и асистенција на Грција во процесот на нашето зачленување во Европската Унија, се наведува во соопштението.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Внук на Македонец кој пред еден век се иселил во Патагонија дошол во Царев Двор да ги најде роднините

saso user

Кривична пријава за жител од Ропотово кај кого била пронајдена дрога

saso user

Од понеделник постудено, локален дожд и снег на планините

saso user