Бизнис

Јадранско-јонската иницијатива охрабрува заеднички настап во туризмот

На 16-та конференција на претседатели на парламенти на Јадранско-јонската иницијатива што вчера и завчера се одржа во Будва, Црна Гора, претседателите усвоија заедничка изјава каде се истакнува важноста на продолжувањето на парламентарната соработка во регионот за реализација на проектите за поддршка на интеграцијата на земјите на Западен Балкан во ЕУ, а со чинот претседаваше претседателот на Собранието на Црна Гора, Иван Брајовиќ.

Во изјавата се истакнува дека секторот туризам станува се позначаен фактор на економскиот напредок на јадранско-јонскиот регион, при што се охрабруваат земјите учеснички на иницијативата да ја подобрат регионалната димензија на соработката и размената на најдобрите пракси во оваа област, а се поддржува и политичката поддршка на активностите кои се спроведуваат на државно, прекугранично и регионално ниво во оваа насока.

Во заедничката изјава се охрабрува промоцијата на заедничките туристички производи со цел позиционирање на Јадранско-јонскиот регион како една од водечките туристички дестинации во Европа во прилог на што се истакнува и важноста на унапредувањето на инфраструктурата што има суштинска улога во подобрувањето на пристапноста и поврзаноста на регионот, се наведува во соопштението од Собранието на Република Северна Македонија.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Жетвата во тек, се очекува за четири отсто повисоко производство

saso user

Гранит ќе го гради автопатот Скопје – Блаце

saso user

Олеснети услови за пристап до кредите од Развојната банка за малите и средни претпријатија

saso user