Број на текстови објавени денес: 0
Спорт

Англиските клубови по половина век во осминафиналето во ЛШ

И шесте претставници на Англија во осминафиналето во европските клубски турнири ги надминаа своите ривали и продолжуваат во следната фаза. Откако Ливерпул, Тотенхем, Манчестер Сити и Манчестер Јунајтед се пласираа во четвртфиналето во Лигата на Шампионите, истото го направија и Арсенал и Челзи во Лига Европа.

Тоа значи дека за прв пат по 48 години, во четвртфиналето ќе има 6 екипи од колевката на фудбалот. На почетокот на сезоната само Барнли отпадна, но останатите тимови ги прескокнаа групите во двата турнири, и осминафиналето.

Интересен е и друг факт кој го илустрира брилијантното претставување на клубовите од Островот. Сите победија во реваншите од осминафиналето.

Во Лигата на шампионите Тотенхем ја совлада Борусија (Дортмунд) со 1:0, Манчестер Јунајтед го порази Пари Сен Жермен со 3:1, Ливерпул триумфираше над Баерн (Минхен) со 3:1, а Манчестер Сити одржа предавање против Шалке 04 и ги декласираше „кралско-сините“ со 7: 0.

Во Лига Европа, пак Арсенал ја избриша негативата против Рен со победа од 3:0, а Челзи си поигра со Динамо Киев како гостин – 5: 0.

Вкупната гол-разлика во овие 6 натпревари е 22:2 во корист на англиските тимови.

Сите авторски права се задржани. Преземањето на вести исклучиво со договор со издавачот, и задолжително поставување на Hyperlink

Поврзани вести

Расиситички навреди кон Френк Кеси на дербито во Милано

saso user

Солскјер: Сити е најдобриот тим на светот

saso user

Бензема ја доби наградата за најдобриот француски фудбалер во странство

saso user